Objet du blog

Ce blog présente principalement des articles sur les actualités concernant les religions, la spiritualité protestante, la culture et la langue occitanes, l'actualité personnelle et familiale. On peut aussi s'y trouver quelques billets d'humeur...

Aquel blòg presenta principalament d'articles sus las actualitats pertocant las religions, l'espiritualitat protestanta, la cultura e la lenga occitanas, l'actualitat personala e familiala. Se pòdon trobar qualques mots bilhetas d'umor...

mardi 9 septembre 2014

LO CANAL DE RIQUET 1


Comme je l'ai écrit récemment sur mon blog "Ociitania-viventa", j'ai décidé de publier mes articles écrits en occitans sur ce blog "Vida videnta..." qui sera dorénavant voué à tout ce qui peut m'intéresser.
Coma  l'escriguèri recentament sus mon blog "Occitania-viventa" decidiguèri de contunhar mas publicacion occitanas sus aqueste blog que d'ara enlà, serà vodat  a tot çò que pòt m'interessar.

Agèri lo plaser de prene part a l'elaboracion de la mòstra qu'i traparetz unas frasas en lenga nòstra que resumisson l'esperit de l'iniciativa : «En occitan, l'òbra se ditz Lo Canal de Riquet. De la Mar Nòstra a la Mar Granda, un canal entre doas mars e tres montanhas. Gens de l'aiga e gens de la tèrra : los uns son res sens los autres. De tèrras de blat en tèrras de vinha : de pan e de vin, lo rei pòt venir ! Probable qu'es al cambiament de barcas de pòsta al Somalh que s'inventèt la mesclanha del rugbí ! Aicí, pas de cap de Bona-Esperança de doblar o de quarantens rugissents : solament lo doç cascalhadís de l'aiga al país de Convivéncia ! Lo passatge de cada esclusa dobrís los sòmis d'autres possibles. Dins los pòrts de mar, de canals, de rius o de montanha s'entremesclan mondes diferents. L'aiga : per la ruscada, las sopas, las lagremas, per se lavar, asagar l'òrt, navegar, beure e abeurar... mas pas per metre dins lo vin ! Deman, se volèm e se fasèm, lo Canal de Riquet serà encara e totjorn camin de vida e de rescontres. »
Se la mòstra es presentada dins la lenga d'Estat, unas reviradas son disponiblas en mai d'un parlar e, entre eles, l'occitan :
« • Canal de Riquet, linha de vidas : Lo canal del Miègjorn (lo canal de Riquet) es reconegut « patrimòni de l’umanitat » per l’Unesco dempuèi 1996. Monument remirable per sos amainatjaments tecnics, arquitecturals e del païsatge, lo canal es d'en primlièr una òbra « utilitària », pensada e menada a bon pòrt per Pèire-Paul Riquet amb la tòca d'afavorir los escambis.Aquesta mòstra vos convida a comprene melhor la dimension umana del canal e son integracion dins un territòri abitat. Lo canal de Riquet es un actor de la Granda Istòria, mas tanben de nòstras istòrias de vida.
 Lo camin d’aiga travèrsa e liga territòris de la Mar granda a la Mar nòstra : Religar Atlantic a Mediterranèu, sens passar per la frau de Gibraltar : aquò's un sòmi vièlh que remonta a l'Antiquitat.

 Lo projècte, a priori irrealizable, espelís çaquelà a la prima de 1681, jol regne de Loís XIV, en seguida del rescontre entre dos òmes visionaris, Pèire-Paul Riquet, collector de las Gabèlas en Lengadòc, e 

Colbèrt, contrarotlaire de las Finanças del rei.Mercé a un sistèma fòrça biaissut, un rasal de riussets de la Montanha negra alimenta lo canal. »
 La legenda de Naurosa :
Un còp èra, lo gigant Naurosa viviá a Narbona. Li passèt pel cap d'anar bastir Tolosa. Derrabèt doas peirassas dins Clapa e se metèt en camin. Sus un puèg de Lauragués, dos païsans lauravan : — Bonjorn lo gigant. Ont vas, atal ? — Me’n vau bastir Tolosa ! — E ben, pauròt, arribaràs tròp tard : Tolosa es ja bastida !
Alara, lo gigant, de la colèra, te plantèt las doas pèiras aquí e s’entornèt a Narbona en romegant.
Riqueton Roch
Aqueste dijòus 28 d'agost, se ten(iá) una jornada d'animacions a l'entorn del Canal a La Redòrta.

Aucun commentaire:

Enregistrer un commentaire