Objet du blog

Ce blog présente principalement des articles sur les actualités concernant les religions, la spiritualité protestante, la culture et la langue occitanes, l'actualité personnelle et familiale. On peut aussi s'y trouver quelques billets d'humeur...

Aquel blòg presenta principalament d'articles sus las actualitats pertocant las religions, l'espiritualitat protestanta, la cultura e la lenga occitanas, l'actualitat personala e familiala. Se pòdon trobar qualques mots bilhetas d'umor...

mardi 16 septembre 2014

LO CANAL DE RIQUET (3)



Lo Canal de Riquet tre la debuta transportèt passatgièrs :

« • Los passatgièrs : La barca de pòsta lisava sul canal de Riquet quand las diligéncias s'afanavan suls grands camins. Long de dos sègles, de Riquet al trionfe del camin de fèrre, transpòrta viatjaires de Tolosa a la Mar nòstra. La barca de pòsta del canal de Riquet es lo primièr servici de transpòrt en comun de viatjaires mes en plaça tre 1673 entre Tolosa e Castèlnau d'Ari, puèi Agde. A son apogèu, transpòrta fins a 100 000 passatgièrs per an ! Cal plan quatre jorns per faire lo viatge dins son entièr. Las relèvas, constituidas d’un atelatge de bèstias de tira menat per un postilhon a pè se seguisson long del camin per tirar la barca.

• Del viatge d’exploracion a la plasença : La plasença se desvolopèt sens cridar gara. Al sègle dels Lums ja, navegar sul canal de Riquet pòrta pèira a l'alimentacion dels esperits curioses e aganits de sabers. Thomas Jefferson, ambassador e futur president dels Estats-Units d’America, demargarà son carròça, per l’installar sus un batèu. Al mitan de las annadas 1970, las primièras companhiás de locacion de batèus d’origina anglesa prenon pè long del canal. La plasença se desvolopa. Mercé a la locacion, totòm pòt venir capitani una setmana, un jorn, una ora. Pas besonh de permés, nimai d’experiéncia, quauquas explicas e zo ! Es pas mai complicat qu'aquò ! Enfins, gaireben. Los començants son pas a l'abric d'unas bravas suspresas. Alara per navegar quiets a fet e descobrir las riquesas e los matises dels territòris traversats, val mai conéisser e seguir quauquas règlas ! »

Lo Canal, via al servici de las activitats umanas, ramosa gens de l’aiga e gens de la tèrra

« • Los marinièrs, gens de l’aiga : Los barquièrs del canal de Riquet vivián amb la familha sus las gabarras. Barrutlaires dins una societat sedentària, èran plan sovent gaitats de coa d'uèlh e, unes còps, amb enveja.

• Los enclusièrs, gens de la tèrra : 64 enclusas long del trajècte, es quicòm ! Abans la mecanizacion de las enclusas dins las annadas 1980, l'enclusièr o l'enclusièra dobrissiá las pòrtas a la man. Mèstres de lor domeni, organizat a l'entorn de l'ostal enclusièr, menavan una vida quasiment autarcica, ritmada pel passatge de las gabarras e d'unes còps la despaciéncia dels utilizators del canal.

• Los agents d’entreten de la via d’aiga : L'entreten del canal e de sos entorns es una preocupacion primièra dempuèi lo temps de Riquet. Lo camin de tira, los francs-bòrds apartenon al domeni del canal de Riquet. Utilizat pels cavals per tirar las barcas fins a las annadas 1930, aquel camin se frequenta ara per rasons de lésers. Quicòm coma 320 emplegats de las Vias Navegablas de França son encargats d'assegurar l'entreten e l'expleitacion del canal[]. Cada ivèrn, un temps de caumatge permet de s'ocupar dels trabalhs divèrses e de la restauracion de las òbras del canal. »

Enclusièr Roch

PAPIERÒT MENERBÉS (in La Semaine du Minervois, 11/09/14)

_____________________________
*

Aucun commentaire:

Enregistrer un commentaire