Objet du blog

Ce blog présente principalement des articles sur les actualités concernant les religions, la spiritualité protestante, la culture et la langue occitanes, l'actualité personnelle et familiale. On peut aussi s'y trouver quelques billets d'humeur...

Aquel blòg presenta principalament d'articles sus las actualitats pertocant las religions, l'espiritualitat protestanta, la cultura e la lenga occitanas, l'actualitat personala e familiala. Se pòdon trobar qualques mots bilhetas d'umor...

dimanche 5 octobre 2014

SISCLETS D'ESTIU



• Evolucion de l'umanitat : Lo jorn ont moriguèt Joan Jaurés nasquèt Loís de Funés.

• L'ors e la cabra : Lo jorn ont la Sega-lana venguèt lançar dins la natura cabras salvatjas pirenencas, desaparegudas dempuèi mai d'un sègle, expliquèt qu'èra pas possible de tornar metre d'orses que son encara presents dins lo massís ! Logica ecologica ?

• Aucèls : Per Aude, las agaças (Margòt l'agaça quand plòu va a la caça. Quand fa bèl temps, se cura las dents) e las graulas (Ciutat de Carcassona del comte Trencavèl tornaràn tos aucèls que cantaràn dins la lenga del vent, que cantaràn en lenga d'Òc) fan pas mai part dels aucèls nosibles.

• Polets : D'unes bramèron contra la publicitat de Loué suls polets contrarotlats que metián en causa la dignitat de la policia. Seriá pas permés de sorire ? Lor i agradariá mai de veire policièrs-pigs-pòrcs angleses per la dignitat seuna ? Serà lèu interdit de cridar : « los poletons » quand lo 22 sortís a quina ?

• Becarut : Podètz venir pairin o mairina d'un becarut (l'aucèl de las plumas ròsas dels estanhs) : vos mandarà cartas postalas de sos viatges ! (http://www.tourduvalat.org/fr/dossiers/flamants_roses)

• Roseta : Qun temps perdut a faire de ronds dins l'espaci, de miliards de legas e de milierats de jorns per anar veire un Achorrit ! N'i a plan pro a l'ostal ! E se pòdon fotografiar sens una tecnologia abans-gardista !

• Ròse : Aquí ara que te vendon de pastagàs ròse ! Uniformizacion dels gosts : coma s'èras pas fotut de te preparar una tomata (o un papagai ; o una mauresca) a ton idèia !

• Ròsa : Çò mèsme per la cervesa qu'i rajustan de frucha (o d'extraits, o de flairas...). Qual se soven dels Monacòs e dels Tangòs ?

• Carnsalada : Se los salsissòts e cambajons de la Montanha negra an la meteissa autenticitat que lo fals-papeta que ne fa la promocion a la television, te balha pas enveja de ne manjar !

• Vergonha : Vista a la TV una recèpta autentica de caçolet de Tolosa amb de tomatat e dins una cocòta tampada de fonta. Lo caçolet sens caçòla : s'arrèsta pas lo progrés !

• Vergonha (bis) : Mas l'endeman dins aquesta emission consacrada a la cosina de terrador, fasián fregir fetge gras a la padena amb de... margarina !

• Lana : Res de mai piòt que las questions TV que te pòdon faire ganhar quatre sòuses se mandas un SMS per dire (exemple) se lo filh del caval es lo polin o la feda ! Polit biais de tondre la lana dels telefonaires !

• Barra-tampa : Un cabinet d'estudis explica al moment de dobrir una novèla zòna comerciala grandarassa a Carcassona que la vila ten ja tròp de comèrcis !

• Pèrda d'identitat : L'estadi de rugbí de Montpelhièr se ditz pas mai Yves-du-Manoir mas Altrad. Signe fòrt de la comercializacion capluga de l'espòrt e de la pèrda d'identitat, d'istòria, de legenda e d'èime !

* Injustícia : Pas de Luzenac en Liga 2 : los gròsses aiman pas los pichons !

Siscladejaire Roch

PAPIERÒT MENERBÉS (in La Semaine du Minervois, 02/10/14)

_________________________
*

Aucun commentaire:

Enregistrer un commentaire