Objet du blog

Ce blog présente principalement des articles sur les actualités concernant les religions, la spiritualité protestante, la culture et la langue occitanes, l'actualité personnelle et familiale. On peut aussi s'y trouver quelques billets d'humeur...

Aquel blòg presenta principalament d'articles sus las actualitats pertocant las religions, l'espiritualitat protestanta, la cultura e la lenga occitanas, l'actualitat personala e familiala. Se pòdon trobar qualques mots bilhetas d'umor...

samedi 28 février 2015

UN PAUC DE GEOGRAFIA



Revendiqui lo dreit de dire lo monde entièr en lenga nòstra. Aquò balharà trabalh per tornar tirar totas las cartas planetàrias e per metre en branle los GPS cap a la direccion esperada (mas es pas interdit de se pèrdre en camin!). Vau balhar una primièra tièra d'exercici a totes los cartografes e, un còp o l'autre, perseguirem l'òbra de re-occitanizacion de nòstre univèrs en geografia o dins d'autres domènis :
Accra : Acrà ; Anguilla : Anguiala ; Ankara : Encara ; Asuncion : Pujada ; Bakou : Bacon ; Bamako : Va-amb-Aquò ; Bangkok : Pols-en-Banca ; Barbade : Barbuda ; Basseterre : Plega-Esquina ; Belgrade : Marescal : Belo Horizonte : Pè-dal-Cèl Polit ; Bénin : Grand-causa ; Berne : Tristonet ; Beyrouth : Sens-Devenir ; Birmanie : Aucèl maniac ; Bogota : Montairon de Bògas ; Bratislava : Vai-te-Lavar ; Brussel : L'Òrt de Caulets ; Bucarest : Buc-Arrèst ; Buenos Aires : Aires Bons ; Caïmans : Cocodrils ; Caracas : Cacaracàs ; Cardiff : Carn de tueis ; Costa Rica : Costièra Rica ; Crête : Cresta ; Cuba : Ancas-pel-Sòl ; Decazeville : La Sala ; Dili : Diga-Li ; Dortmund : Monde Endormit ; Finlanda : Finimond ; Fleury d'Aude : Perinhan ; Freetown : Vilafranca (Libreville : Vilafranca) ; Gabon : Tipe Plan ; Ghana : Engana ; Gibraltar : Gibre-sul-Tard ; Granada : Milgrana ; Groenland : la Tèrra Verda (o Gròs-e-Lantèrna); Honduras : Font de Duràs ; Honiara : Òc-n'i-Aurà ; Islanda : la Tèrra de Glaç ; Jamaïque : Jamai-Quèc ; Kaboul : Cazóls ; Katmandou : Cat-Doç-jos-la-Man ; Kenya : Que-n'i-a ; Khartoum : Carton ; La Haye : La Branda ; Lausanne : Camba d'Ase ; Lesotho : Los Carris ; Lisbonne : Liri-Bon ; Liverpool : Galinas d'Ivèrn ; Lomé : L'Òme ; Los Angeles : Los Angèls ; Mali : Malin ; Manille : Manilha ; Mascate : Masca-Te ; Mayotte : Malhòt ; Mediterranèa : la Mar Nòstra ; Melborna : Mèl del Bornat ; Missouri : Mitat-Mirga ; Monaco : Cervesa-Limonada-Granadina ; Monténégro : Mont Negre ; Montevideo : Mirapeis ; Montréal : Montreal ; Moscou : Mosca ; Mozambique : Mólzer-la-Bica ; Mulhouse : l'Ostal de las Muòlas ; Népal : Nascut-Blanc ; Newcastle : Castèlnòu ; New Dehli : CD Novèl de Fai-Dèli ; Newport : La Novèla ; New York : lo Cambajon novèl ; Nouakchott : Non-n'i-a-Chòt ; Ocean Atlantic : la Mar Grana ; Paramaribo : Para-ma-Riba ; Pérou : Pèl-Ros ; Porto : Pòrta ; Porto Rico : Pòrt Ric ; Qatar : País Catar ; Québec : Lo Becut ; Quito : Daissa ; Riga : Riga-Raga ; Rio de Janeiro : Riu de Genièr ; Sandwich : Entre-pans ; Senegal : Sens-le-Gal ; Seychelles : Las Escalas ; Sierra Leone : la Montanha dels Lions ; Sri Lanka : Sarra-l'Anca ; Stockholm : Òlm en resèrva ; Strasburg : la Vila-carrièra ; Tirana : Tirona ; Togo : I-Anar ; United Kingdom : Reialme a Desunir ; USA : Estats-Units d'America ; Valparaiso : Val del Paradís ; (e la tièra es plan luènh d'èsser acabada)...
Mercator Roch
PAPIERÒT MENERBÉS (in La Semaine du Minervois, 26/02/15) 

Aucun commentaire:

Enregistrer un commentaire