Objet du blog

Ce blog présente principalement des articles sur les actualités concernant les religions, la spiritualité protestante, la culture et la langue occitanes, l'actualité personnelle et familiale. On peut aussi s'y trouver quelques billets d'humeur...

Aquel blòg presenta principalament d'articles sus las actualitats pertocant las religions, l'espiritualitat protestanta, la cultura e la lenga occitanas, l'actualitat personala e familiala. Se pòdon trobar qualques mots bilhetas d'umor...

mercredi 17 février 2016

CORBIÈRAS SUPER-XIII



Aprèp l'article de fa unas setmanas sus Menerbés Super-XIII, avèm reçauput un manat de remarcas sus aqueste famós afrontament prometeire amb la formacion-bessona de Corbièras. Se formulèron demandas de precisions : « L'arrestat Bosman val per la signatura de jogaires de Corbièras en Menerbés ? Dins quna equipa pòdon jogar los qu'an un parent dins cada contrada ? » ; mas, per plan preparar lo rescontre, nos demandèron mai que mai la tièra de las equipas engatjadas dins lo campionat de Corbièras, sus un territòri que s'espandís de Val de Danha a la mar e entre Fenolhedés e la mitica cent-13 (vertadièra linha dels 50 entre Menerbés e Corbièras !).

Es amb plaser que la vos porgissèm : los Dorièrs d'Albàs, los Albespins d'Albièras, los Arquièrs d'Arquetas, los Aurelhuts d'Auriac, los Maçons de La Bastida, los Boissons de Boissa, los Botarèls de Botenac, los Cavalièrs de Camplong, los Cascalhats de Cascastèl, los Embrumats de Castèlmaure, los Caulets Torrats de Caunetas, los Encantinats de Cavas, los Regassòls de Conilhac, los Costals de Costoja, los Crusquets de Cruscadas, los Rectors de Cucunhan, los Joan-janibús de Davejan, los Vendemiaires de Dernaculheta, los Pertusats de Duilhac, los Madurs de Durban, los Gats-Fèrs de Felinas (de Termenés), los Fabres de Fabresan, los Fags de Fajac, los Ferratièrs de Ferrals, los AOC de Fitor, los Font-trebola de Font Cobèrta, los Joncairòls de Font Joncosa, los Fraissinièrs de Fraisse, los Doganièrs de Fulhan, los Bons-Joncs de Jonquièras, los Monges de La Grassa, los Laitissons de Lairièra, los Anecs de Lanet, los Molinièrs de Lesinhan, los Luquets de Luc, las Esculturas de Maironas, los Ostalièrs de Maisons, los Massais de Massac, los Brunissents de Montbrun, los Galhards de Montgalhard, los Gaujoses de Montjòi, los Laurèls de Montlaur, las Serenas de Montseret, los Mostoses de Mos, los Motons de Motomet, los Marins de La Novèla, los Orfèbres d'Ornasons, los Espaurugals de Padèrn, los Pal-fèrs de Palairac, los Palmipèdes de La Pauma, los Mon-País de Paziòls (qu'an pas freg als uòlhs), los Salinièrs de Peiriac, los Portanèls de Portèl, los Pradelets de Pradèlas, los Quinçons de Quintilhan, los Ribairencs de Ribauta, los Riussanèls de Rius, los Fanòls de La Ròca, los Rofians de Rofiac, las Fedas de Ròcafòrt, los Amolats de Salzan, los Rocairòls de Sant-Andrieu, los Caçaires de Sant-Joan, los Cabrièrs de Sant-Laurenç, los Posatièrs de Sant-Martin, los Campairòls de Sant-Pèire, los Africans de Sijan, los Solitaris de Solatges, los Acabaires de Tèrmes, los Taissons de Tuissan, los Borra-mèscla de Talairan, los Taures de Taurisan, los Testuts de Tesan, los Tornièrs de Tornissan, los Mostaires de Trelhas, los Paleolitics del Vilar, los Tot-Nòu de Vilanòva, los Barba-ros de Vilaroja, los Secaruts de Vilaseca, los Tritons de Vilatritols, los Vinharons de Vinhavièlha.
Vau-al-Fòbal Roch

PAPIERÒT MENERBÉS (in La Semaine du Minervois, 04/02/16)

Aucun commentaire:

Enregistrer un commentaire