Objet du blog

Ce blog présente principalement des articles sur les actualités concernant les religions, la spiritualité protestante, la culture et la langue occitanes, l'actualité personnelle et familiale. On peut aussi s'y trouver quelques billets d'humeur...

Aquel blòg presenta principalament d'articles sus las actualitats pertocant las religions, l'espiritualitat protestanta, la cultura e la lenga occitanas, l'actualitat personala e familiala. Se pòdon trobar qualques mots bilhetas d'umor...

vendredi 19 février 2016

MICALHAS DE FEBRIÈR



Febrièr, magrinèl-gras de 29 jorns, nos porgís son fais d'interrogacions prigondas :
- Social-democratas : En França, d'unes al Partit Socialista de mai en mai ròse clar soetarián un cambiament de nom per se dire tot simplament Partit democrata. Als Estats-Units, a las primàrias del Partit democrata, se nòta la pujada bèla del candidat vist coma... socialista !
- Barbudòt : Al Macron, se la sapiença li veniá de la barba, se pòt dire que la perdèt lèu, que las perdèt lèu !
- Suplements : La bona novèla de las oras suplementàrias pagadas normalament (valent a dire sens suplement !) es la transposicion dins los restaurants ont los plats amb suplement seràn integrats sens suplement a la carta !
- Simplificacion : Quand parlan de simplificacion (del Còdi del trabalh, del recobrament de las talhas, …) plan sovent complican las situacions ja complicadas. E vos parli pas de la dematerializacion informatica amb l'ordenador binari : es Òc o Non, alara que tu as enveja de li dire : benlèu, qui sap, aquò depen o se podiam passar a quicòm mai ! De costuma, a cap de tres meses, s'avisan qu'an montat una usina a gas (de sistre?) e que caldrà lèu-lèu simplificar las simplificacions !
- Transpòrts : Al nom de quna logica ecologica vòlon a tot pèrdre bastir l'aeropòrt de Nòstra Dòna de las Lanas ? La lana, aquò's pels motons, pas pels avions !
- Pesticidis : L'aiga clara l'es pas gaire. An mes temps per constatar los degalhs d'una agricultura quimiquizada d'a fons.
- Sacas de plastica : Dins los magasins, las sacas de plastica interditas dempuèi lo primièr de l'An son autorizadas fins a la data d'interdiccion venenta.
- Rescalfament : Sabèm pas mai se sèm en genièr o abril, febrièr o junh... Lo temps ven complètament fòl e anam èsser totes desvariats, mas, del moment que fa bèl dins lo sorire dels òmes e femnas-granhotons e granhòtas del finestron...
- Blanc : Los Ciutadans pel Vòte Blanc fan una campanha de recrutament. Van pas fins a demandar un chèc en... blanc !
- Petaron : Granda noveltat ongan sul Torn de França : los ciclistas auràn lo dreit d'utilizar... mobiletas !
- Bicicleta : Una sola concurrenta vòldra pas utilizar aqueste subterfugi : Na Cristiana Taubirà !
- Quadratura : Occitania aquò's Provença, Lemosin, Auvernhe, Aquitània, Lengadòc, Miègjorn-Pirenèus, mai las Valadas occitanas e val d'Aran. Per la region granda, cossí aver un nom que fague referéncia a aquesta entitat bèla, tot en diguent que n'es quna part ? Se ba caler bolegar las mesolhas !
- Girafla : La sòrre de Mistral a Sijan, se dirà Oya (es una divinitat d'Africa). Per ela, tanben an pas retengut lo nom d'Occitana ! E Mistral se monta lo còl !
- Regime : S'ai plan comprés, ongan, los fetges grasses seràn plan magres. Los embucs seràn al caumatge tecnic. 
- Pamelà Anderson : Ara, sabèm que pin-up e pincarda son de la meteissa familha !
Emmenucat Roch

PAPIERÒT MENERBÉS (in La Semaine du Minervois, 18/02/16)
____________________
*

Aucun commentaire:

Enregistrer un commentaire